Cartel 15
Cartel 5
Cartel 17
Cartel 19

calendario

Último mes marzo 2017 Seguinte mes
L M Me X V S D
week 9 1 2 3 4 5
week 10 6 7 8 9 10 11 12
week 11 13 14 15 16 17 18 19
week 12 20 21 22 23 24 25 26
week 13 27 28 29 30 31
actualidade
O Observatorio da Mariña pola Igualdade organiza un obradoiro con Coral Herrera en Burela
14 de Marzo de 2017

    

  

 

Seguindo coa programación de actividades deste ano 2017, e para celebrar o 8 de marzo, Día Internacional das Mulleres, o Observatorio da Mariña pola igualdade organiza o obradoiro “Outras formas de quererse son posibles”, impartido por Coral Herrera Gómez.  Será o vindeiro sábado 25 de marzo e terá lugar  nas instalacións do hotel Nordés en Burela. A actividade durará toda a xornada, mañá e tarde, cun descanso para o xantar. 

 

Coral Herrera Gómez, que naceu en Madrid e reside en Costa Rica dende o ano 2011 aproveitará a súa xira 2017 pola península para impartir charlas e obradoriros en universidades, IES, concellos, asociacións... En Galiza, ademais de Burela, só estará en Allariz e A Coruña.

 

Doutora en Humanidades e Comunicación, profesora e investigadora na Universidade da Sorbona en París, na Universidade Carlos III de Madrid e na UNED de Costa Rica. É, ademais, blogueira, escritora e investigadora feminista. Tamén é a creadora da plataforma "Otras formas de quererse", na que imparte talleres en liña e coordina unha rede social de mulleres, "El laboratorio del amor", onde analiza como construímos a realidade, como aprendemos a ser homes e mulleres ou como construímos o amor de parella, todo desde unha perspectiva feminista.

 

O seu lema baséase en que é posible revisar o aprendido, que non estamos condenadas a sufrir por amor, e que a ledicia e a tenrura son os ingredientes principais para construír outras formas de querernos e de relacionarnos. O amor é una enerxía que move o mundo: cambia coas épocas históricas e coas culturas. Ela traballa con tres ideas principais: o romántico é político; ningún amor é ilegal; e outras formas de querernos son posibles.  Se queredes máis información, consultade a páxina  www.otrasformasdequererse.com.

 

Pódese despatriarcalizar o amor, sufrir menos e gozar máis.  É por iso que desde o Observatorio da Mariña pola Igualdade consideramos que esta é unha grandísima oportunidade para aproveitar a calidade desta relatora e do tratamento dun tema de grande interese, o amor romántico, enfocado desde unha perspectiva feminista.

 

 

Por este motivo, convidamos a todas as persoas interesadas a inscribirse no citado obradoiro, advertindo que hai un número de prazas limitadas A inscrición, cuxo custe será de 10 € (30 € incluíndo o xantar), farase a través do correo Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , ata o día 22 de marzo.

 

 

 
Comunicado do Observatorio da Mariña pola Igualdade
30 de Xaneiro de 2017

 

 

O Observatorio da Mariña pola Igualdade quere manifestar a súa máis enérxica condena polo asasinato machista que se cometeu no Carballiño o pasado domingo e trasladarlle o noso máis profundo pesar á familia e amizades da vítima.

Queremos sinalar que comeza un novo ano no que a macabra lista de mulleres vítimas da violencia de xénero non se deten, e advertimos da perigosidade que implica a naturalización da violencia contra as mulleres convertendo estes crimes en meras estatísticas ás que a sociedade se vai acostumando.

O Observatorio segue a denunciar a necesidade de máis esforzos e medios para combater esta lacra, e esixe ás institucións que se poñan a disposición da sociedade con todos os recursos materiais e humanos que sexan precisos para que, de maneira definitiva e rotunda, dende calquera eido sexamos quen de rematar coa discriminación das mulleres en xeral e coa violencia machista en particular.

Non podemos esquecer que a violencia de xénero comeza a manifestarse cada vez a idades máis temperás e por iso incidimos en que a solución a esta violencia debe ter como piar fundamental a educación, e estar baseada no fomento de valores coeducativos e da educación en igualdade.

Reivindicamos e esiximos que, dunha vez por todas, o terrorismo machista sexa considerado unha cuestión de Estado para loitar contra os feminicidios dende xa. Necesitamos feitos, non palabras.Necesitamos medios, non minutos de silencio.

Dende o feminismo, seguiremos a loitar contra o machismo. Porque queremos vivir nun mundo no que a igualdade real entre homes e mulleres sexa unha realidade. Porque vivir sen violencia é un dereito!

 

O MACHISMO MATA. QUERÉMONOS VIVAS.

 
Axenda Feminista 2016: Científicas Galegas
08 de Decembro de 2015

Xa é unha habitual máis destas datas e non queríamos pasar máis tempo sen presentarvos a Axenda Feminista 2016 do Observatorio da Mariña pola Igualdade, dedicada este ano ás Científicas Galegas. Queredes saber máis? Seguide lendo!

 

Ler máis...
 
Homenaxe á mestra e pegadoga Antía Cal
22 de Novembro de 2015

Dende o Observatorio da Mariña pola Igualdade, e en colaboración co Concello de Muras, queremos convidarvos aos diferentes actos que terán lugar o vindeiro sábado 28 de novembro  e cos que queremos rendir unha merecídisima e agarimosa homenaxe á mestra e pedagoga Antía Cal

 

Ler máis...
 
«InicioAnterior123456SeguinteFinal»

destacado

Queredes a unidade didáctica que editamos sobre a mestra e pedagoga Antía Cal con motivo da homenaxe que se lle rendeu en Muras? Pinchade aquí e aquí e facédevos co material!

 

 
Observatorio da Mariña pola Igualdade | deseño akersia.es